Bugün zəng mərkəzləri müştərilərlə qarşılıqlı əlaqənin yaradılması, daimi müştəri auditoriyasının dəstəklənməsi üçün tətbiq olunan ən populyar həllərdən biridir.. Müasir zəng mərkəzlərinin texnoloji təminatı telekommunikasiya, kompüter və sosioloji nailiyyətlərin sintezidir. Müasir zəng mərkəzinin işi sadəcə çoxsaylı telefon zənglərinə cavab vermək deyil, eləcə də, web səhifəsi və elektron poçt ilə işdən ibarətdir. Ölkənin dörd bir tərəfinə yayılmış zəng mərkəzləri şəbəkəsi nəinki öz fəaliyyətini vahid rejim içində davam etdirə, həmçinin, operatorları onların evindəki kompüter-telefon sistemləri vasitəsilə iş prosesinə cəlb edə bilir. Bütün qoşulmuş kanallardan istifadə edərək müştəri haqqında tam təsəvvür yarada bilir, bununla da, müştərilərə göstərilən xidmətlərin yüksək keyfiyyəti, müştərilərin şirkətə qarşı loyallığının artması təmin olunur.