Logix Mühasibat uçotu müəssisələrin əmlakının, kapitalının, dövriyyə vəsaitlərinin və ümumiyyətlə, bütün maliyyə-təsərrüfat fəaliyyətinin, natural göstəricilər əsasında, pul ifadəsində, sənədləşdirilmiş və mühasibat registrlərində qarşılıqlı əlaqələndirilmiş bütün təsərrüfat əməliyyatlarının mühasibat hesablarında ikili yazılış üsulu ilə yığılması və qaydaya salınması sistemini özündə əks etdirir. Mühasibat uçotunun əsas prinsiplərindən biri Hesablar planının tətbiqidir ki, bu da müəssisə əmlakının, öhdəliyinin hərəkəti üzrə bütün təsərrüfat əməliyyatlarını, gəlir və xərc, mənfəət və zərər və bu kimi bütün başqa göstəricilərin yarandığı vaxtda mühasibat hesablarında müxabirləşmə ilə heç bir istisnaya yol vermədən düzgün əks etdirilməsini təmin edir.